მოსკოვის მერის სერგეი სობიანინის განცხადებით, გამთენიისას, ადგილობრივი დროით 04:00 საათისთვის რუსულმა საჰაერო თავდაცვის საშუალებებმა გაანადგურეს დრონი, რომელიც მოსკოვის თავზე მოძრაობდა. მისი თქმით, დრონის ნამსხვრევები მოსკოვის ცენტრალურ ნაწილში, „ექსპოცენტრის“ რაიონში ჩამოვარდა.

როგორც რუსული მედია წერს, ნაწილობრივ დაზიანდა „ექსპოცენტრის“ ერთ-ერთი პავილიონი. 

„ექსპოცენტრის ერთ-ერთ პავილიონში გარე კედელი ნაწილობრივ ჩამოინგრა კრასნოპრესნენსკაიას სანაპიროზე. ნგრევის მასშტაბმა 3 კვ. მეტრი შეადგინა“, - წერს სააგენტო ТАСС.

რუსული Telegram არხების ცნობით, ჩამოვარდნილი უპილოტო საფრენი აპარატი უკრაინული კამიკაძე დრონი „ბობერია“.