ისრაელის სადაზვერვო სამსახურის, "მოსადის" ხელმძღვანელი დავიდ ბარნეა ოთხშაბათს აცხადებს, რომ სააგენტო მოძებნის ევროკავშირისა და აშშ-ის მიერ ტერორისტულ ორგანიზაციად მიჩნეული ჰამასის ყველა წევრს, რომლებიც მონაწილეობდნენ ისრაელზე 7 ოქტომბერს მიტანილ იერიშში - იმის მიუხედავად, თუ სად იმყოფებიან ისინი.
ამ განცხადებამდე ერთი დღით ადრე ჰამასის"ხელმძღვანელის მოადგილე მოკლულ იქნა ბეირუთში, სავარაუდოდ ისრაელის მიერ განხორციელებული დარტყმის შედეგად. ისრაელი უარს ამბობს უპასუხოს გავრცელებულ ინფორმაციას იმის შესახებ, რომ დარტყმა მან განახორციელა - თუმცა ბარნეას განცხადებები მიანიშნებს, რომ ეს მართლაც ასე იყო. ბარნეამ პარალელი გაავლო მიუნხენის 1972 წლის ოლიმპიურ თამაშებზე მომხდარი მკვლელობების შემდეგ შექმნილ ვითარებასთან - როცა მოსადის აგენტებმა მოძებნეს და დახოცეს ისრაელელი ათლეტების მკვლელობებში მონაწილე პალესტინელი მებრძოლები.
ისრაელში ოთხშაბათს ომის საფრთხის მაღალი დონეა გამოცხადებული, ლიბანის გავლენიან ჰეზბოლასთან პოტენციური ესკალაციის გამო, მას მერე, რაც ლიბანის დედაქალაქზე მიტანილ იერიშს ემსხვერპლა სალეჰ ალ-არური - ჰამასის ყველაზე გავლენიანი წევრი, რომელიც მოკლულ იქნა ღაზაში თითქმის სამი თვის წინ ომის დაწყების შემდეგ.
0
0
