მოლდოვის რამდენიმე ქალაქში ანტიკორუფციული ოპერაცია ტარდება.

„ანტიკორუფციული სამსახური 60-ზე მეტ ადგილას ატარებს ჩხრეკას, მათ შორის კიშინეუვში. ჩვენ ვიძიებთ სახელმწიფო შესყიდვებზე პასუხისმგებელი ზოგიერთი თანამდებობის პირის უკანონო ქმედებებს, ასევე ეკონომიკური აგენტების ქმედებებს“, – განაცხადა ანტიკორუფციული სამსახურის წარმომადგენელმა, ანგელა სტარინსკიმ.

მანამდე, კიშინეუს მერმა და „ნაციონალური ალტერნატიული მოძრაობის პარტიის“ ლიდერმა, იონ ჩებანმა გამოთქვა პრეტენზია მისი კოლეგების სახლებში ჩატარებული ჩხრეკის გამო.

დედაქალაქის მერის მტკიცებით, ჩხრეკის ინიციატორი არის მმართველი პარტია „მოქმედება და სოლიდარობა“.