მოლდოვამ დაიწყო ევროს გამოყენება, როგორც ძირითადი ვალუტის ოფიციალური გაცვლითი კურსის დასადგენად. მანამდე ამისთვის აშშ დოლარს იყენებდნენ. ამის შესახებ ქვეყნის პრეზიდენტმა მაია სანდუმ სოციალურ ქსელ X-ზე (Twitter) განაცხადა.

სანდუმ აღნიშნა, რომ დღეიდან ევრო ხდება მთავარი საორიენტაციო ვალუტა მოლდავური ლეის გაცვლითი კურსისთვის.

„დღეიდან ევრო ხდება მოლდოვას გაცვლითი კურსის საორიენტაციო ვალუტა. იმ სიტუაციაში, როდესაც ჩვენი ვაჭრობის 60% და ფულადი გზავნილების 70% ევროშია, ეს ნაბიჯი აძლიერებს ჩვენს ეკონომიკურ კავშირებს ევროკავშირთან, უზრუნველყოფს უფრო მეტ სტაბილურობასა და პროგნოზირებადობას ყველა მოლდოველისთვის“, - წერს პრეზიდენტი.