„მოლაპარაკებების შანსი ამ მომენტისთვის არ არსებობს“, - ასე გამოეხმაურა კრემლი შეერთებული შტატების კომენტარებს, რომლის მიხედვითაც, საჭიროა სამართლიანი და გრძელვადიანი მშვიდობა.

გუშინ, აშშ-ის სახელმწიფო მდივანმა ენტონი ბლინკენმა განაცხადა, რომ რუსეთი შესაძლოა გამოსავალს ეძებს უკრაინიდან უკან დახევისა და სამშვიდობო შეთანხმებაზე მოლაპარაკების გარეშე. 

გასულ კვირას, აშშ-ის პრეზიდენტმა ჯო ბაიდენმა განაცხადა, რომ მზად იქნება ვლადიმერ პუტინთან მოლაპარაკებებისთვის, თუ რუსეთის ლიდერი ომის დასრულებით იქნება დაინტერესებული. თუმცა, როგორც ჩანს, შეერთებულ შტატებსა და რუსეთს შორის მოლაპარაკებების გამართვა უახლოეს მომავალში ნაკლებად სავარაუდოა, რადგან ორივე მხარე მოუმზადებელი ჩანს - მათ თავიანთი მოთხოვნებისგან უკან დაიხიეს.