მა­ტილ­და გვარ­ლი­ა­ნი Victoria Secret-ის შო­უ­ში მი­ი­ღებს მო­ნა­წი­ლე­ო­ბას. ინ­ფორ­მა­ცია მა­ტილ­დას ინ­სტაგ­რამ გვერ­დი­დან გახ­და ცნო­ბი­ლი.

მა­ტილ­და არის პირ­ვე­ლი ქარ­თვე­ლი მო­დე­ლი, რო­მე­ლიც მო­დის ინ­დუსტრი­ის ყვე­ლა­ზე მას­შტა­ბურ და პო­პუ­ლა­რულ შო­უ­ზე გა­მო­ვა.

მო­დე­ლის­თვის აქ გა­მოს­ვლა უდი­დე­სი წარ­მა­ტე­ბაა, რო­მელ­ზეც უამ­რა­ვი გო­გო­ნა ოც­ნე­ბობს. ეს ნიშ­ნავს აღი­ა­რე­ბას, პო­პუ­ლა­რო­ბას და მსოფ­ლი­ოს სა­მო­დე­ლო ინ­დუსტრი­ა­ში თა­ვის დამ­კვიდ­რე­ბას.

მა­ტილ­და გვარ­ლი­ანს თა­მა­მად შეგ­ვიძ­ლია ვუ­წო­დოთ ყვე­ლა დრო­ის ყვე­ლა­ზე წარ­მა­ტე­ბუ­ლი ქარ­თვე­ლი მო­დე­ლი. ბოლო წლე­ბის გან­მავ­ლო­ბა­ში მის გა­რე­შე ფაქ­ტობ­რი­ვად არ ჩა­უვ­ლია მთა­ვარ მო­დის კვი­რე­უ­ლებს.

მატილდა გვარლიანის ბიოგრაფია

ქართველმა მოდელმა მატილდა გვარლიანმა მოდის ინდუსტრიაში თავის დამკვიდრება უკვე შეძლო. თამამად შეგვიძლია ვთქვათ, რომ ახალგაზრდა მოდელმა საერთაშორისო წარმატებას უკვე მიაღწია. მატილდას განსხვავებულ და განსაკუთრებულ გარეგნობას ბევრი უსვამს ხაზს, მისი არაორდინარული სილამაზე კი ყოველთვის იქცევს გარშემომყოფთა ყურადღებას. როგორც თავად ამბობს, გაყოფილი კბილები ერთ დროს მას აკომპლექსებდა, მაგრამ ახლა თვლის, რომ სწორედ არასტანდარტული სახე გახდა მისი წარმატების ერთ-ერთი მიზეზი და ის სხვადასხვა დროს ისეთ დიდ ბრენდებთან თანამშრომლობდა, როგორებიცაა: Valentino, Fendi, Nafnaf, Dolce & Gabbana და სხვ. გასულ წელს კი ნიდერლანდური Vogue-ის გარეკანზეც მოხვდა. 

მატილდა 2000 წლის 16 მაისს დაიბადა. ბებიას უნდოდა, რომ გოგონასთვის მარიამი დაერქმიათ, დედამ კი სახელი მატილდა შეურჩია. საბოლოოდ, ორივე დაარქვეს - მატილდა-მარიამ გვარლიანი მოდელის სრული სახელია. 22 წლის მოდელს წარმატებული სამოდელო კარიერა აქვს და არაერთი ცნობილი ბრენდის სახეა.

მატილდა გვარლიანის კარიერა

როგორც თავად მოდელი არაერთ ინტერვიუში აღნიშნავს, ეს პროფესია მისთვის ბავშვობიდან საოცნებო იყო: „მთელი ბავშვობა მიზნად მქონდა დასახული, რომ როცა გავიზრდებოდი, უნდა ვყოფილიყავი მოდელი“ - ამბობს მატილდა. ამ სურვილის ასრულებაში მას საკუთარი მიზანდასახულობა და შრომისმოყვარეობა დაეხმარა და დღეს მატილდა გვარლიანი სამ წარმატებულ სამოდელო სააგენტოსთან თანამშრომლობს: Look Modéls Managemént (საქართველო), Munich Models (გერმანია) და Uno Models (ესპანეთი). მისი სამომავლო გეგმა კი Next Models Worldwide-ში მოხვედრაა. ამბობს, რომ საკმაოდ არაპროგნოზირებადია და ცვალებადი ხასიათი აქვს.

"12 წლის ვიყავი, როდესაც look Models Managment-ის ცეკვის მასწავლებლის მეგობარი შემხვდა სალონში. შემომთავაზა ნინო ცქიტიშვილის სააგენტოში მისვლა, რომელიც, მისი თქმით, არა მხოლოდ საქართველოში, არამედ უცხოეთშიც წარმატებით მუშაობდა. რა თქმა უნდა, დავინტერესდი და მივედი. ძალიან პატარა ვიყავი და ასაკიდან გამომდინარე გადავწყვიტე, ცოტა ხანს დამეცადა. 14 წლიდან მივედი სააგენტოში. მესამე გაკვეთილზე უკვე გადავიღეთ თამუნა ინგოროყვას „ლუქბუქი“. სააგენტოში 14 წლის უფრო მომზადებული მივედი, განსაკუთრებულად გავაძლიერე ენების შესწავლა, რაც მოდელს ძალიან სჭირდება. 12 წლისამ იქ ჩემი ტოლი გოგონები ვერ ვნახე" - იხსენებდა მატილდა.

პოდიუმზე პირველად 2018 წელს გამოჩნდა და მაშინვე მიიქცია სამოდელო სააგენტოების ყურადღება - „ჩვენების დღეს ძალიან ვნერვიულობდი, ეს იყო ჩემი პირველი გამოწვევა, რომლისთვისაც თავი ღირსეულად უნდა გამერთვა. პოდიუმზე გავლისთანავე ყველანაირი შიში გამიქრა და საკმაოდ კარგად გავართვი თავი” - თქვა მოდელმა ერთ-ერთ ინტერვიუში. ამას Dolce & Gabbana-ს ჩვენებაზე გავლა და უამრავ ცნობილ ბრენდთან თანამშრომლობა მოჰყვა. 

Victoria Secret-ის შოუ 15 ოქ­ტომ­ბერს, ნიუ იორკში გა­ი­მარ­თე­ბა.