სისხლიანი ანგარიშსწორება ბოლნისში.

გავრცელებული ინფორმაციით, ბოლნისში, ადგილობრივებმა, დავით რეხვიაშვილი მრავლობითი ჭრილობებით მძიმე მდგომარეობაში ნახეს.

მიყენებული დაზიანებები სიცოცხლესთან შეუთავსებელი აღმოჩნდა. რეხვიაშვილი კლინიკაში გადაიყვანეს, თუმცა მისი გადარჩენა ექიმებმა ვერ შეძლეს.

ერთ-ერთი ვერსიით, რეხვიაშვილსა და ბრალდებულს შორის წარსულში მძიმე დაპირისპირება მოხდა. 

თავდასხმის წინ კი მათ შორის კიდევ ერთი კონფლიქტი მოხდა. ბრალდებულმა, რომელიც წარსულში ნასამართლევია, კონფლიქტის ადგილი დატოვა და შემდეგ სტადიონზე შეიარაღებული დაბრუნდა.

არსებული ინფორმაციით, ბრალდებული შსს-მ უკვე დააკავა, თუმცა უწყებას ოფიციალური განცხადება ჯერჯერობით არ გაუვრცელებია.