საქართველოს პრეზიდენტმა, სალომე ზურაბიშვილმა ბელარუსის პრეზიდენტ ალექსანდრე ლუკაშენკოსა და საოკუპაციო რეჟიმის წარმომადგენლების შეხვედრა დაგმო. 

მისი თქმით, აღნიშნული შეხვედრა საქართველოს სუვერენიტეტის კიდევ ერთი აშკარა დარღვევაა. 

„მკაცრად ვგმობ მინსკში ალექსანდრ ლუკაშენკოს „ოფიციალურ შეხვედრას“ ოკუპირებული აფხაზეთის ე.წ. „პრეზიდენტთან“.

ლუკაშენკოს სოხუმში ვიზიტის შემდეგ, რომელიც საქართველოს ოკუპირებული ტერიტორიების შესახებ კანონის უგულებელყოფა იყო, ეს არის საქართველოს სუვერენიტეტისა და ტერიტორიული მთლიანობის კიდევ ერთი აშკარა დარღვევა“, - წერს ზურაბიშვილი „ტვიტერზე“.