მესამე პრეზიდენტის, მიხეილ საააკაშვილის დღევანდელი სასამართლო პროცესი გადაიდო. შემდეგი პროცესი 9 იანვარს 12:00 საათზე გაიმართება.

პროცესის გადადების მიზეზად მოსამართლე, გიორგი არევაძემ დაასახელა, რომ სხვა საქმეზე გავიდა სათათბიროდ.

მიმდინარე სასამართლო საქმის ფარგლებში არევაძემ მიხეილ სააკაშვილისთვის სასჯელის გადავადების ან გათავისუფლების საკითხზე უნდა მიიღოს გადაწყვეტილება. დღევანდელ სხდომაზე დაცვის მხარე აპირებდა, შუამდგომლობის დაყენებას, რომ პროცესები დასვენების დღეებშიც ჩანიშნულიყო.

ცნობისთვის, დღეს პროცესი 15:00 საათზე იყო ჩანიშნული. პროცესზე  "ვივა მედში" მიხეილ სააკაშვილის მკურნალი ექიმი, თამარ დავარაშვილი უნდა გამოკითხულიყო, თუმცა ცნობილი გახდა, რომ მის ნაცვლად ამერიკელი ექსპერტი, ნევროლოგი ექიმი ლაჰანი გამოიკითხებოდა.