მგონი, მამუკა ხაზარაძე „ლელოს“ საპარლამენტო გუნდის მუშაობით უკმაყოფილოა და მათ აქტიურობას ავალებს, რის გამოც ისინი თემებს ეძებენ, რომ აქტიურობაში ჩაეთვალოთ, – ამის შესახებ პარტია „გირჩის“ ერთ-ერთმა ლიდერმა, იაგო ხვიჩიამ განაცხადა.

მისი თქმით, „ლელოს“ მხრიდან პრემიერ-მინისტრის იმპიჩმენტის საკითხის დაყენება ვერ გაიგო.

„სხვა შემთხვევაში, მათი მხრიდან პრემიერ-მინისტრის იმპიჩმენტის საკითხის დაყენება ვერ გავიგე. ბევრი რამე უნდა სცადონ, რომ იქნებ, უფროსს რაიმე
მოეწონოს. სალომე სამადაშვილი თავს უფროსს თუ არ აწონებს, აბა, როგორ შეიძლება, „ქოცებზე“ ღელავდეს, რომ მათ ცუდი პრემიერი ჰყავთ, გამოცვალონ და კარგი დანიშნონ“, – განაცხადა ხვიჩიამ.