მექსიკის ხელისუფლებამ მეხიკო სიტის მახლობლად რვა ადამიანის მკვლელობისთვის 14 წლის ბიჭი დააკავა. ინფორმაციას ამერიკული მედია ავრცელებს. 

ბიჭი სავარაუდოდ მოტოციკლით მივიდა და მექსიკის ქალაქ ჩიმალჰუაკანის ერთ-ერთ უბანში ოჯახს ცეცხლი გაუხსნა. 

ცეცხლის გახსნის დროს ისინი საკუთარ სახლში წვეულებას მართავდნენ. გავრცელებული ინფორმაციით, ეს იყო დაბადების დღე.

ბიჭის სახელი არ გახმაურებულა, მაგრამ მისი მეტსახელი - „პატარა ჩაპო“ აშკარა მინიშნებაა დაპატიმრებულ ნარკობარონზე ხოაკინ „ელ ჩაპო“ გუზმანზე.

„მკვლელობის მოტივი არ გახმაურებულა, მაგრამ მექსიკაში ნარკობანდები ხშირად ჩადიან მკვლელობას და იტაცებენ ადამიანებს. ისინი ასევე კლავენ კონკურენტებს, რომლებიც ყიდიან ნარკოტიკებს მათ ტერიტორიაზე.