აშშ-ის პრეზიდენტის სპეციალური წარმომადგენელი სტივ უიტკოფი 25 აპრილს რუსეთის პრეზიდენტს შეხვდება. ამის შესახებ „აქსიოსი“ ანონიმურ წყაროზე დაყრდნობით წერს.

როგორც გამოცემა იუწყება, უიტკოფი პარიზიდან უკვე გაემგზავრა რუსეთში. გამოცემის ცნობით, ვლადიმერ პუტინთან შეხვედრისას ის სავარაუდოდ, რუსეთის პრეზიდენტს ტრამპის სამშვიდობო გეგმის დეტალებს გააცნობს.

შეგახსენებთ, „დეილი ტელეგრაფმა“ გამოაქვეყან ტრამპის სამშვიდობო გეგმა, რომელიც შვიდი პუნქტისგან შედგება და მოიცავს სანქციების მოხსნას და ყირიმის ანექსიის აღიარებას.

„დეილი ტელეგრაფის“ ცნობით, გეგმა არ შეიცავს არანაირ კონკრეტულ უსაფრთხოების გარანტიებს უკრაინისთვის, მათ შორის, არ არის ნახსენები ე.წ. მსურველთა კოალიციის დახმარების საკითხიც.