Foxnews-ის ინფორმაციით, ჩრდილოეთ ვირჯინიაში, სატვირთო მატარებლის დაჯახების შედეგად, სარკინიგზო ხიდზე მოსიარულე ერთი ბავშვი და ორი ზრდასრული დაიღუპა. 

ფეირფაქსის ოლქის პოლიციის განცხადებით, წინასწარი გამოძიების თანახმად, დადასტურდა, რომ სამივე მათგანი ლიანდაგზე მოძრაობდნენ, როდესაც მათ მატარებელი დაეჯახა. შემთხვევის ადგილზე სამივე გარდაიცვალა. პოლიციას ჯერჯერობით არ დაუდგენია, იყვნენ თუ არა გარდაცვლილები ნათესავები. 

სარკინიგზო ხიდი, მდინარე პოტომაკზე, ტბასთან და პარკთან ახლოს მდებარეობს. 

პოლიციის თქმით, გამოძიება გრძელდება.