ამ წუთებში მაშველები მტკვრიდან ავტომობილის ამოყვანას ცდილობენ, რომელიც რამდენიმე საათის წინ გადავარდა.

ამ ეტაპზე ჯერ კიდევ უცნობია, რამდენი ადამიანი იმყოფებოდა მსუბუქ ავტომობილში. 

სამძებრო სამუშაოები მდინარეში მას შემდეგ დაიწყო, რაც მეტეხის ხიდზე ავტომობილი მოაჯირს შეეჯახა და წყალში გადავარდა. შემთხვევა 15 თებერვალს, დაახლოებით 23:00 საათზე მოხდა.

თვითმხილველების მიერ გავრცელებული არაოფიციალური ინფორმაციით, ავტომობილში 5 ადამიანი იმყოფებოდა, თუმცა, ამის შესახებ დაზუსტებული ინფორმაცია ამ დრომდე არ ვრცელდება.