მაშველებმა მდინარე ლიახვში ახალგაზრდა კაცის ცხედარი იპოვეს.

არსებული ინფორმაციით, ცხედარი ამ დროისთვის იდენტიფიცირებული არ არის.

ინფორმაციას საგანგებო სიტუაციების მართვის სააგენტოში ადასტურებენ.

სავარაუდოდ, საუბარია  22 წლის ბიჭის ცხედარზე, რომელიც გუშინ , სოფელ თედოწმინდასთან მეგობრებთან ერთად ლიახვში ბანაობის დროს წყლის დინებამ გაიტაცა.

როგორც თედოწმინდელები ამბობენ, ბიჭები მდინარე ლიახვის სანაპიროზე დევნილთა დასახლებიდან მივიდნენ. თედოწმინდელები იმასაც აღნიშნავენ, რომ არ იყო საბანაო ადგილი, რადგან მდინარე ადიდებულია და სწრაფი დინება აქვს.

სამძებრო სამუშაოები 2 დღის განმავლობაში მიმდინარეობდა.