დილიდან განახლდა მდინარე ლიახვში სამძებრო-სამაშველო ღონისძიება.

ლიახვის ზედაპირის დათვალიერება მიმდინარეობს სოფელი თედოწმინდიდან გორამდე, ასევე, მყვინთავების მიერ, საძიებო სამუშაოები წყლის სიღრმეში ხორციელდება.

სამაშველო სამსახურის ცნობით, სამძებრო-სამაშველო ღონისძიებაში ჩართულია 2 მცურავი, დრონით აღჭურვილი საფრენი აპარატი, 15 მეხანძრე-მაშელი და თბილისიდან გამოგზავნილი, განსაკუთრებულ სიტუაციებზე რეაგირების 6-კაციანი ჯგუფი, მათ შორის 2 მყვინთავი.

დაკარგულია 22 წლის მამაკაცი. 

როგორც თედოწმინდელები ამბობენ, ბიჭები მდინარე ლიახვის სანაპიროზე დევნილთა დასახლებიდან მივიდნენ. თედოწმინდელები იმასაც აღნიშნავენ, რომ არ იყო საბანაო ადგილი, რადგან მდინარე ადიდებულია და სწრაფი დინება აქვს.

წყარო: qartli.ge