მართლმადიდებელი სამყარო დღეს აღდგომის ბრწყინვალე დღესასწაულს აღნიშნავს. სამების საკათედრო ტაძარში იმყოფებიან აღმასრულებელი და საკანონმდებლო ხელისუფლების წარმომადგენლები.

ტრადიციულად, უწმინდესმა და უნეტარესმა, სრულიად საქართველოს კათოლიკოს-პატრიარქმა, ილია მეორემ მრევლს სააღდგომო ეპისტოლეთი მიმართა.

აღდგომის დღესასწაულზე მორწმუნეებისთვის მძიმე მარხვა დასრულდა.

აღდგომის შემდეგ, ბრწყინვალე შვიდეული მსგეფსია და მორწმუნეებს ყოველგვარი საკვების მიღება შეეძლებათ.

წმინდა სახარების მიხედვით, უფალი იესო ქრისტე კაცობრიობის გადასარჩენად და ცოდვებისგან გამოსასყიდად განკაცდა, ჯვარს ეცვა და მესამე დღეს აღდგა.