მალტის ქალაქების ქუჩებს, სანაპიროებსა და მოედნებს 2024 წლის იანვრიდან რობოტები დაასუფთავებენ. ინფორმაციას „ევროპულსი“ ავრცელებს.

მოწყობილობები ელექტროენერგიით მუშაობს, სრულიად ავტონომიურია და პროცესში ადამიანურ ჩარევას არ საჭიროებს.

ქუჩებში დასუფთავების რობოტების ორი მოდელი გამოჩნდება: პირველი დაგვის, მეორე კი ქუჩებს მორეცხავს.

რობოტების მონაწილეობით მალტის ქალაქები უკეთესად შეინარჩუნებენ სისუფთავეს, რადგან რობოტები „სამუშაოზე“ სამ-ოთხ დღეში ერთხელ ივლიან, მაშინ, როცა ამჟამად ქალაქები სამ კვირაში ერთხელ სუფთავდება.

თუმცა ისინი მხოლოდ ფართო და ბრტყელი სივრცის დასუფთავებას შეძლებენ, ხოლო ვიწრო ქუჩებსა და პლაჟებს ისევ ადამიანები დაასუფთავებენ.

წყარო: bpn.ge