საქართველოს საგარეო საქმეთა მინისტრი მაკა ბოჭორიშვილი ოფიციალური ვიზიტით ბაქოს 16 იანვარს ეწვევა. აღნიშნულ ინფორმაციას აზერბაიჯანული მედია ავრცელებს.

ვიზიტის ფარგლებში მაკა ბოჭორიშვილი შეხვედრებს გამართავს თავის კოლეგასთან ჯეიჰუნ ბაირამოვთან და სხვა ოფიციალურ პირებთან.

საქართველოს საგარეო უწყების ხელმძღვანელი,  ასევე მონაწილეობას მიიღებს აზერბაიჯან-საქართველოს მთავრობათაშორისი ეკონომიკური თანამშრომლობის კომისიის მე-10 სესიაში.