ლუკაშენკოს არჩევნები ფიქტიურია და არ აქვს ლეგიტიმაცია, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა განაცხადა.

„ლუკაშენკო 30 წელია, ინარჩუნებს ხელისუფლებას. ხვალ ის კიდევ ერთხელ დაინიშნავს თავს მორიგი ყალბი არჩევნებით. ეს არის დემოკრატიის აშკარა დაცინვა. ლუკაშენკოს არ აქვს ლეგიტიმაცია“, – წერს კალასი სოციალურ ქსელში.

ბელარუსში საპრეზიდენტო არჩევნები 26 იანვარს გაიმართება. ამომრჩეველი ხმის მიცემას ადგილობრივი დროით 08:00 საათიდან 20:00 საათამდე შეძლებს. მოქალაქეებს არჩევანის გაკეთება ხუთ კანდიდატს შორის მოუწევთ, მათ შორის არის ალექსანდრ ლუკაშენკო, რომელიც არჩევნებში მეათე ხუთწლიანი ვადის მოსაპოვებლად მონაწილეობს.