გერმანული ავიაკომპანია „ლუფთჰანზა“ ზოგიერთ ევროპულ მარშრუტსა და 20 000 მოკლე დისტანციის ფრენას აუქმებს. ამის შესახებ „უოლ სთრით ჯორნალი“ წერს.

ეს გადაწყვეტილება შეეხება ოქტომბრამდე დაგეგმილ მარშრუტებს, საავიაციო საწვავის დაზოგვის მიზნით, ვინაიდან ავიაკომპანიები ირანის ომის გამო საწვავის შესაძლო დეფიციტში აღმოჩნდნენ.

კომპანიის ინფორმაციით, გაუქმებულ ფრენებს მისი რამდენიმე ავიაკომპანია ახორციელებს, რაც ჯამში მგზავრთა გადაყვანის შესაძლებლობის ერთი პროცენტით შემცირებას ნიშნავს.

„ლუფთჰანზას“, გაუქმებული ფრენების შედეგად, საშუალება ექნება, 40 000 მეტრულ ტონაზე მეტი საავიაციო საწვავი დაზოგოს და კომპანიაში აღნიშნავენ, რომ საზაფხულო განრიგში დაგეგმილი რეისების საწვავის მარაგი ძირითადად სტაბილური იქნება.