ლონდონში, საქველმოქმედო ნივთების შესაგროვებელ ყუთში, Cartier-ის ოქროს საათი აღმოაჩინეს. მოდელი ერთ-ერთი უიშვიათესია და მთლიანად ოქროთია მოპირკეთებული. ინფორმაციას უცხოური მედია ავრცელებს. 

როდესაც საქველმოქმედო ყუთის ინიციატორებმა საათს მიაკვლიეს, გაოცებულები დარჩნენ, რადგან, მათი თქმით, მოსახლეობას დასახმარებლად, ძირითადად, 10 ევრომდე ღირებულების ნივთები მიაქვს.

ისტორია ამით არ დასრულებულა. Cartier-ის 18-კრატიანი ოქროს საათი გასაყიდად ონლაინ აუქციონზე გაიტანეს. მისი შეძენით 46 ადამიანი დაინტერესდა. აუქციონის დასასრულს, შემთხვევით ნაპოვნი საათი 12 000 ევროდ გაიყიდა.