ლონდონში პალესტინის მხარდამჭერი კიდევ ერთი აქცია გაიმართა, რომელშიც ათობით ათასი ადამიანი მონაწილეობდა. ამის შესახებ BBC წერს.

დემონსტრანტები „თავისუფლება პალესტინას“ სკანდირებდნენ. პარალელურად პოლიციის ნაწილი არიგებდა ბროშურებს, რითაც აფრთხილებდნენ აქციის მონაწილეებს, რომ „ჰამასის“ მხარდაჭერა ან სიძულვილი ნებისმიერი რელიგიის მიმართ აქციაზე დაუშვებელი იქნებოდა.

აქციის ორგანიზატორები კი აცხადებდნენ, რომ არ მიიჩნევდნენ ამის აუცილებლობას. ამასთან, როგორც მათ აღნიშნეს, უკვე მკაფიოდ დააფიქსირეს მოსაზრება, რომ ეწინააღმდეგებოდნენ რასიზმის ყველა ფორმას.