ლატვიის თავდაცვის მინისტრი ანდრის სპრუდისი აცხადებს, რომ ლატვიის ნავთობსაცავთან ჩამოვარდნილი დრონები, შესაძლოა, უკრაინული იყოს.

„განიხილება ყველა შესაძლო ვარიანტი, მათ შორის ის ფაქტი, რომ ეს იყო უკრაინული დრონები, რომლებიც რუსეთში სამიზნეებისკენ მიემართებოდნენ“, – აღნიშნა ლატვიის თავდაცვის უწყების ხელმძღვანელმა.

ლატვიის თავდაცვის მინისტრმა, ანდრის სპრუდსმა დასძინა, რომ მფრინავი ობიექტის ჩამოგდების შესახებ გადაწყვეტილების მისაღებად კონკრეტული კრიტერიუმები უნდა დაკმაყოფილდეს.

„დასახლებულ ტერიტორიაზე დრონების ჩამოსაგდებად რამდენიმე ფაქტორი უნდა დაკმაყოფილდეს“, – აღნიშნა ანდრის სპრუდისმა.

ლატვიის ქალაქ რეზეკნეში დრონი ენერგომომარაგების ობიექტს შეეჯახა. ლატვიაში, სავარაუდოდ, სამი დრონი ჩამოვარდა.