გუშინ კრემლმა სცადა მოლაპარაკება ევგენი პრიგოჟინთან, თუმცა „ვაგნერის“ ხელმძღვანელმა რუსეთის პრეზიდენტის ადმინისტრაციის პირობებზე უარი განაცხადა. ამის შესახებ ინფორმაციას რუსული საინფორმაციო საშუალებები ავრცელებენ.

გავრცელებული ცნობით, პრიგოჟინს დაურეკეს პრეზიდენტის ადმინისტრაციიდან და შესთავაზეს უკან დაბრუნება და ყველა მისი გზავნილის ახსნა ჰაკერებითა და ხმის გაყალბებით.

რუსული მედიის ცნობთ, მას შემდეგ, რაც პრიგოჟინმა უარი თქვა ადმინისტრაციის პირობებზე, პუტინმა გასცა ბრძანება, მის წინააღმდეგ აღძრულიყო სისხლის სამართლის საქმე. პარალელურად ვრცელდება ინფორმაცია, რომ ლიპეცკის ოლქის გავლით ტანკები მოსკოვისკენ მოძრაობენ.