კოსოვოს პრეზიდენტი ვიოსა ოსმანი ევროკავშირს აკრიტიკებს იმის გამო, რომ მას დღემდე არ მოუხსნია სანქციები. ინფორმაციას კოსოვური მედია ავრცელებს.

ოსმანი ევროკავშირის ქცევას უსამართლოს და იმედგამაცრუებელს უწოდებს. როგორც ის ამბობს, ევროკავშირმა დღემდე არ განიხილა კოსოვოს განაცხადი წევრობაზე და ის „სადღაც თაროზე შემოდო“.

კოსოვოს სჯიან, მიუხედავად იმისა, რომ ის ყველა თავის ვალდებულებას ასრულებს და „რეგიონში ნომერ პირველია რეფორმებისა და ფასეულობების თვალსაზრისით“, - დასძინა ოსმანიმ.

მისი თქმით, ევროკავშირი ახალისებს სერბეთს, რომელიც რუსეთისა და ჩინეთის მოკავშირედ რჩება და „საკუთარ მეზობლებს თავს ესხმის“.