კოლუმბიის პრეზიდენტმა, გუსტავო პეტრომ, თავისი წარმატებებით იტრაბახა. საჯარო გამოსვლისას მან ჟურნალისტები მოულოდნელი აღსარებით შოკში ჩააგდო:
„არცერთი ჭორიკანა ჟურნალისტი არ უნდა ინტერესდებოდეს იმით, თუ რას ვაკეთებ მე საწოლში. მე ძალიან კარგ რაღაცებს ვაკეთებ და ვფიქრობ... ვფიქრობ, რომ ვერავინ დამივიწყებს, რადგან დაუვიწყარი ვიქნები. ვინმე აუცილებლად მოყვება ამას. მე თავად ამის მოყოლას არ ვაპირებ“, — განაცხადა მან.
მისი ეს სკანდალური განცხადება დაკავშირებულია პანამაში მომხდარ ინციდენტთან და მასზე აგორებულ ჭორებთან.
სოციალურ ქსელებში გავრცელდა ვიდეო, სადაც ჩანდა კაცი (რომელიც ძალიან ჰგავდა პრეზიდენტ გუსტავო პეტროს), რომელიც პანამის ქუჩებში უცნობ, ტრანსგენდერ ქალთან ერთად სეირნობდა. ვიდეომ დიდი ვნებები და კამათი გამოიწვია კოლუმბიურ მედიაში.
პრეზიდენტი ამ ვიდეოს პირდაპირ გამოეხმაურა თავის X (Twitter) გვერდზე. მან განაცხადა, რომ ის არის ჰეტეროსექსუალი, თუმცა პატივს სცემს ყველას თავისუფლებას. სწორედ ამ კონტექსტში თქვა მან, რომ მისი პირადი ცხოვრება („რა ხდება მის საწოლში“) ჟურნალისტების საქმე არ არის.
პეტრომ ხაზი გაუსვა, რომ ჟურნალისტებმა ყურადღება მის პოლიტიკურ საქმიანობაზე უნდა გაამახვილონ და არა მის პირად თავგადასავლებზე
0
0
