„ჩვენ რა გვინდა ერდოღანი-პუტინის შეხვედრაზე, ამას ვერ ვხვდები,“ - ასე უპასუხა საპარლამენტო უმრავლესობის ლიდერმა ირაკლი კობახიძემ ჟურნალისტის შეკითხვას, რატომ არ არის საქართველო მსგავსი შეხვედრების დღის წესრიგში.

„ჩვენ რა გვინდა ერდოღანი-პუტინის შეხვედრაზე, რა უნდა გავაკეთოთ? ოპოზიციას ჰკითხეთ, მე არ ვიცი. ისინი უფრო ჭკვიანები არიან ეტყობა“, - განაცხადა კობახიძემ.

ცნობისთვის, თურქული მედიის თანახმად, თურქეთის პრეზიდენტი რეჰეფ თაიფ ერდოღანი რუსეთის პრეზიდენტ ვლადიმერ პუტინს 4 სექტემბერს სოჭში შეხვდება.

წყაროების ცნობით, პუტინი და ერდოღანი „მარცვლეულის შეთანხმების“ ახალი ფორმულის განხილვას გეგმავენ.