როგორც ტოკიოში რუსეთის ელჩმა, ნიკოლაი ნოზდრევმა განაცხადა, მოსკოვი აკვირდება იაპონიის ქმედებებს, რომლებიც მიმართულია კიევის კრიმინალური რეჟიმის მხარდაჭერისკენ და ქვეყანას ასეთი მოკლევადიანი პოლიტიკის მავნე შედეგების შესახებ  აფრთხილებს.

„ჩვენ მუდმივად საჯაროდ ვაფრთხილებთ ტოკიოს, რომ კიევის რეჟიმის თავგადასავლებსა და კრიმინალურ ქმედებებში ჩართვა მას გრძელვადიან და ძალიან კრიტიკულ შედეგებს მოუტანს. იაპონია უკრაინის უსაფრთხოების სფეროში ნატოს დახმარებისა და წვრთნების ცენტრის მუშაობას შეუერთდა, კოორდინაციას უწევს კიევის სამხედრო დახმარებას - იარაღის მიწოდებას, აღჭურვილობის შეკეთებას და უკრაინის შეიარაღებული ძალების ჯარისკაცების წვრთნას. ორმხრივმა ურთიერთობებმა ობიექტურად უპრეცედენტო ვარდნა განიცადა და ჩვენს ქვეყნებს შორის დიპლომატიური ურთიერთობების ისტორიაში ყველაზე დაბალ ნიშნულს მიაღწია. ამაზე პასუხისმგებლობა მთლიანად ტოკიოს ეკისრება, რომელიც უკრაინაში ,,სპეციალური სამხედრო ოპერაციის’’ დაწყების შემდეგ, ე.წ. სრულიად დასავლური სოლიდარობის შესაბამისად, ათწლეულების განმავლობაში გულმოდგინედ აგებული კავშირების საფუძვლის დანგრევაზეც კი თანახმაა.

იაპონური მხარის ასეთი პოზიციით მოსკოვთან კონსტრუქციული დიალოგის დაბრუნების პერსპექტივა არ არსებობს. ამაზე საუბარი მხოლოდ მას შემდეგ იქნება შესაძლებელი, თუ იაპონია თავისი არამეგობრული ხაზიდან გადაუხვევს“, - თქვა ნოზდრევმა.