კახეთში, სოფ. კარდანახში, „კარდანახის ღვინის ფესტივალი 2023“ უკვე მესამედ გაიმართება.  ფესტივალზე, სტუმრებს საშუალება მიეცემათ დააგემოვნონ ადგილობირივი მწარმოებლების მიერ წარმოდგენილი ღვინოები.

ფესტივალის მიზანია, კარდანახის ღვინისა და ადგილწარმოებული პროდუქტების  პოპულარიზაცია, ახალი ჯიშების და უცნობი ღვინოების აღმოჩენა, უშუალოდ მწარმოებლებთან შეხვედრა და გაცნობა. 
სტუმრები მონაწილეობას მიიღებენ :
- ყურძნის დაწურვაში;
- ჭაჭის გამოხდა-დეგუსტაციაში;
- ჩურჩხელის ამოვლებაში;
- კახური შოთის გამოცხობაში;
- მწვადის შეწვაში;
- სხვადასხვა მასტერკლასებსა და აქტივობებში.

ფესტივალი გაიმართება 7 ოქტომბერს, შაბათს, 12:00 საათიდან 18:00 საათამდე
ცოცხალი მუსიკის თანხლებით.  ფესტივალზე დასწრება და მონაწილეობა უფასოა.

(R)