ევროკავშირის საგარეო ქმედებათა სამსახურის ხელმძღვანელი, ჯოზეფ ბორელი ლიბანში ვიზიტის დროს, „ჰეზბოლას“ წარმომადგენლებს შეხვდა.

ჯოზეფ ბორელმა მოლაპარაკება გამართა „ჰეზბოლას“ საპარლამენტო ბლოკის ხელმძღვანელთან, მოჰამედ რაადთან.

ევროკაშირის დიპლომატიური წყარო აცხადებს, რომ ევროკავშირი ეწევა დიპლომატიურ დიალოგს ყველა შესაბამის პოლიტიკურ წარმომადგენელთან, რომლებიც გავლენას ახდენენ ადგილზე არსებულ სიტუაციაზე.

ლიბანის საგარეო საქმეთა მინისტრთან ერთობლივ პრესკონფერენციაზე საუბრისას ბორელმა თქვა: „აუცილებელია, რომ თავიდან ავიცილოთ ლიბანის ჩათრევა რეგიონულ კონფლიქტში“.