ცნობილმა რეჟისორმა და კინოპროდიუსერმა, ჯეიმს კამერონმა უარყო გავრცელებული ინფორმაცია, თითქოს რამდენიმე კვირის წინ გაუჩინარებული “ტიტანის” შესახებ ფილმის გადაღებას აპირებდა.

რეჟისორმა ამ ინფორმაციას “ჭორი” უწოდა და განაცხადა, რომ ასეთ ფილმს არასოდეს გადაიღებდა.

ცნობისთვის, რამდენიმე დღის წინ მედიაში გავრცელდა ინფორმაცია, თითქოს კამერონი “ტიტანის” ტრაგიკული გაუჩინარების შესახებ ფილმის გადაღებას აპირებდა.

შეგახსენებთ, რომ წყალქვეშა ნავი „ტიტანი“, რომელსაც „ტიტანიკის“ ნამსხვრევების შესასწავლად ტურისტები გადაჰყავდა, კანადის სამხრეთ-აღმოსავლეთ სანაპიროსთან 18 ივნისს გაუჩინარდა.

ნავში ხუთი ადამიანი იმყოფებოდა. მოგვიანებით კი ცნობილი გახდა, რომ გაუჩინარების მიზეზი „ტიტანის“ აფეთქება გახდა, რის შემდეგაც ხუთივე ადამიანი დაღუპულად გამოაცხადეს.