51 წლის ჯარედ ლეტო პირველი ადამიანი გახდა, რომელსაც ნიუ-იორკის ერთ-ერთ ყველაზე ცნობილ ცათამბჯენზე - ემპაირ სტეიტ ბილდინგზე ასვლის ნებართვა მისცეს. ამის შესახებ Today წერს.

გამოცემის ინფორმაციით, მუსიკოსი და მსახიობი 381-მეტრიანი შენობის აღმოსავლეთ ნაწილზე, დაზღვევით ავიდა. თავისი მოგზაურობა მან 86-ე სართულზე დაიწყო და ბოლო, 104-ე სართულამდე ავიდა. ამისთვის მას 20 წუთი დასჭირდა.
ლეტოს თქმით, ამ ასვლით მან არა მხოლოდ ბავშვობის ოცნება აიხდინა, არამედ თავისი ჯგუფის Thirty Seconds to Mars-ის ახალი ტური დააანონსა, რომელიც 2024 წლის მარტ-სექტემბერში გაიმართება.