თბილისის საქალაქო სასამართლოში, სადაც 7 ნოემბრის საქმეზე ექსპრეზიდენტ მიხეილ სააკაშვილის სასამართლო პროცესი მიმდინარეობს, სააკაშვილმა მმართველი გუნდის დამფუძნებელს ბიძინა ივანიშვილს მიმართა და მოუწოდა, რომ მოლაპარაკების მაგიდასთან დაჯდეს.

„ხალხის სულისკვეთებას ვერაფერ დაუდგება წინ... ერთადერთი, რაც მე მინდა ვუთხრა დღეს ივანიშვილს, დაჯდეს მოლაპარაკების მრგვალ მაგიდასთან ხელისუფლების მშვიდობიან გადაბარებაზე... რადგან მე არ მსურს თქვენთვის უსამართლობა, რადგან ქართველები ისედაც ცოტანი ვართ ქართველები ერთი ოჯახი უნდა ვიყოთ“, - აღნიშნა სააკაშვილმა.

ამასთან, როგორც სააკაშვილის ერთ-ერთმა ადვოკატმა შოთა თუთბერიძემ აღნიშნა, დღევანდელ პროცესზე დადგება შუამდგომლობა, რომ საქმის თავიდან განხილვა დაიწყოს.