„ხელისუფლების ერთ-ერთმა ამებამ თავისუფლებას მოედანზე განაცხადა (ბევრი ამება ჰყავთ, მაგრამ განსაკუთრებულმა ამებამ) – მიშა, გამოიხედე ფანჯრიდან, რამდენ ხალხს სძულხარო. მიშა, გამოიხედე ფანჯრიდან და დაინახავ, რამდენ ხალხს უყვარხარ. კიდევ უფრო ხმამაღლა, მეგობრებო, რომ ციხის კედლები დაინგრეს.კიდევ უფრო ხმამაღლა, ბოლომდე. უნდა გაიგონოს ყველამ, რომ ჩვენ არ შევეგუებით იმას, რომ პრეზიდენტი ციხეში შიმშილობდეს. გაიგონოს ივანიშვილმა თავის ბუნკერში, რომ ამ ხალხის ხმას ვერავინ ჩაახშობს.

აი, ხომ ატყობთ, როგორც კი თითოეულმა თქვენგანმა გადაწყვიტა, რომ მოვიდეს აქ, რუსთავის ციხესთან, როგორი პანიკა ატეხეს ამ უდღეურებმა. სანამ ჩვენ აქ ვართ, თავისი პროპაგანდისტული საშუალებებით გაავრცელეს მიხეილ სააკაშვილის კადრი, რომელიც აქ, სამედიცინო დაწესებულებაშია გადაღებული. რეგვენმა იუსტიციის მინისტრმა, რომელიც პირდაპირ სახელმწიფო დამნაშავეა და გასამართლდება როგორ სახელმწიფო დამნაშავე და როგორც „მელკი“ პროვოკატორი, როგორც ნაბიჭვარი, გუშინ შიშის ზღვარზე გაბედა და ქირქილი დაიწყო, თითქოს სააკაშვილი რაღაც საჭმელებს იღებს და თითქოს არ შიმშილობს. მაშინ მე, რეგვენო ნაბიჭვარო, მინდა გკითხო, რისთვის შექმენი ეს კონსილიუმი, რისთვის მოიწვიე ექიმები, რისთვის დადიან ექიმები ყოველ დღე, თუ არ შიმშილობს?! ტყუილს, რომელიც გუშინ დადგეს და დღეს მთელი დღე მდინარაძეებმა, კაკაფონია ატეხეს, სიმართლით უპასუხა ომბუდსმენმა. მას შემდეგ, რაც მან განცხადება გააკეთა, რომ ყოველი პრეპარატი, ყოველი გრამი სითხის თუ ტაბლეტის, რასაც სააკაშვილი იღებს, მხოლოდ და მხოლოდ სამედიცინო დანიშნულებისაა, ამ ნაგვებმა ციხის კადრების გავრცელება დაიწყეს“,- განაცხადა გიგი უგულავამ.