ავსტრალიის საგარეო საქმეთა მინისტრმა პენი ვონგმა დაადასტურა, რომ ავსტრალიის ზოგიერთმა მოქალაქემ 1 ნოემბერს, რაფაჰის სასაზღვრო გადასასვლელის საშუალებით, ღაზას დატოვება მოახერხა.

”ძალიან მადლობელი ვარ, რომ 1 ნოემბერს ამ პირველმა კოჰორტამ - ოცმა ავსტრალიელმა ოჯახის  წევრებთან და ერთ მუდმივ რეზიდენტთან ერთად - შეძლო ღაზის საზღვრის გადაკვეთა და ეგვიპტეში ჩასვლა”, - განაცხადა პენი ვონგმა ქალაქ ადელაიდაში გამართულ პრესკონფერენციაზე საუბრისას.

ავსტრალიის საგარეო საქმეთა მინისტრმა ასევე  ისრაელის მიმართა: „საერთაშორისო თანამეგობრობა არ შეეგუება სამოქალაქო პირების დახოცვას. ასე რომ, როდესაც ისრაელის მეგობრები მას შეიარაღებული კონფლიქტისგან თავშეკავებისა და მშვიდობიანი მოსახლეობის სიცოცხლის დაცვისკენ  მოუწოდებენ, ისრაელმა მათ აუცილებლად უნდა მოუსმინოს“.