„ისრაელმა, რაფაჰაში განლაგებულ კარვების ბანაკზე სასიკვდილო თავდასხმის დროს, ამერიკის შეერთებულ შტატებში წარმოებული საბრძოლო მასალები გამოიყენა. ფეთქებადი იარაღის ოთხმა ექსპერტმა დაადასტურა, რომ გეოლოკაციულ ვიდეოში ჩანს ამერიკული წარმოების GBU-39-ის ტიპის მცირე დიამეტრის ბომბის კუდი. საბრძოლო მასალის ნარჩენებზე აღმოჩენილი სერიული ნომრები ემთხვევა კალიფორნიაში წარმოებულ GBU-39-ს ტიპის ბომბის ნომრებს,“ - იუწყება CNN-ი, შემთხვევის ადგილზე მოპოვებული ვიდეოკადრების ანალიზზე დაყრდნობით.

ისრაელის სამხედროების მტკიცებით კი, მათ „ჰამასის“ მებრძოლების შენობის კომპლექსი დაბომბეს, რამაც გამოიწვია მასშტაბური ხანძარი, რომელიც სწრაფად გავრცელდა ახლომდებარე კარვებში. როგორც ცნობილია, თავდასხმას 45 დევნილი პალესტინელი ემსხვერპლა.