ისრაელმა ლიბანში, საზღვრის სიახლოვეს, „ჰეზბოლას“ პოზიციებს დაარტყა. ისრაელის შეიარაღებული ძალების პრესსპიკერ დენიელ ჰაგარის თქმით, სამიზნეს რაკეტების გამშვების სისტემები და სამხედრო კომპლექსები წარმოადგენდა.

„ჩვენ განვაგრძობთ ინტენსიურ დარტყმებს „ჰეზბოლას“ პოზიციებზე. ისინი აღარ გამოიყურება ისე, როგორც 6 ოქტომბრამდე იყო და აღარც იქნება“, – განაცხადა ჰაგარიმ.

აღსანიშნავია, რომ ჰეზბოლამ არაერთხელ გაუხსნა ცეცხლი ისრაელს, „ჰამასის“ 7 ოქტომბრის თავდასხმის შემდეგ, რის გამოც, ისრაელის პრემიერ-მინისტრმა, ბენიამინ ნეთანიაჰუმ ლიბანი მკაცრად გააფრთხილა, რომ ომის წამოწყების შემთხვევაში, ბეირუთიც ღაზად იქცევა.