ისრაელის სოფლის მეურნეობისა და სურსათის უსაფრთხოების სამინისტროს განცხადებით, ქვეყნის ცენტრალურ ნაწილში, ინდაურის ფერმაში [ძლიერ პათოგენური ფრინველის გრიპის ეპიდემია] ფრინველის გრიპის შემთხვევები გამოავლინეს. 

ვირუსის შემთხვევები, სანაპირო საკურორტო ქალაქ ნეთანიასთან ახლოს, სოფელ კფარ ვიტკინში მდებარე ფერმაში აღმოაჩინეს, სადაც 19,000 ინდაური ბინადრობდა. დაავადების გავრცელების პრევენციის მიზნით, კარანტინირებულია ვირუსით ინფიცირებული ტერიტორიიდან 10 კმ რადიუსში მდებარე ყველა საქათმე. 

სამინისტრომ ფრინველთა სელექციონერებს თავიანთი ფრინველებისა და ცხოველების იზოლაციისკენ მოუწოდა და საზოგადოებას ურჩია, რომ უსაფრთხოდ შეფუთული კვერცხები შეიძინონ და კარგად მოხარშონ ფრინველი და კვერცხი.