ისრაელის თავდაცვის ძალების ინფორმაციით, რაფაჰის ცენტრში მათი სამიზნე ,,ჰამასის“ ფინანსისტი, სახელად სუბჰი ფერვანა, იყო, რომელიც "მიზანმიმართული სამხედრო ოპერაციისას"  მოკლეს.

,,ჰამასის“ მიერ მართულ ჯანდაცვის სამინისტროს განცხადებით, რაფაჰზე ისრაელის მიერ განხორციელებული თავდასხმების შემდეგ, მინიმუმ, 20 ადამიანი დაიღუპა. 

,,„ჰამასის“ სამხედრო ფრთა დამოკიდებულია ამ თანხებზე, რომლებიც მათ ფინანსისტების მეშვეობით გადაეცემათ და, შესაბამისად, მათ გარეშე „ჰამასის“ შესაძლებლობები შემცირდება. ფერვანამ ,,ჰამასის“ სამხედრო ფრთას თანხები ომის დროს გადასცა. მან იცოდა, რომ ეს თანხები სამხედრო ფრთის ბრძოლისუნარიანობის შენარჩუნებისთვის სასიცოცხლოდ მნიშვნელოვანი იქნებოდა,“ - ნათქვამია ისრაელის არმიის განცხადებაში.