„ისრაელის სამხედრო ოპერაციების მიმდინარეობა შეიცვლება "მხოლოდ ტაქტიკურად და არა სტრატეგიული თვალსაზრისით", - განაცხადა ისრაელის კომუნიკაციების მინისტრმა შლომო კარჰიმ პრემიერ-მინისტრ ნეთანიაჰუს განცხადების შემდეგ, რომლის თანახმად, "ღაზაში ინტენსიური ბრძოლები თითქმის დასრულდა".

„დღეს, ისრაელის არმია ღაზას სექტორის ყველა წერტილშია. პრემიერ-მინისტრმა განაცხადა, რომ ორ კვირაში ბრძოლების ინტენსივობა შემცირდება, თუმცა ეს არ ნიშნავს იმას, რომ ჩვენ შევწყვეტთ ბრძოლას. სამხედრო ოპერაციების მიმდინარეობა შეიცვლება მხოლოდ ტაქტიკურად და არა სტრატეგიული თვალსაზრისით,“ - თქვა შლომო კარჰიმ.