ისრაელის ოფიციალური პირი 39 პალესტინელი პატიმრის მოსალოდნელ გათავისუფლებას ადასტურებს, – ამის შესახებ „სიენენი“ წერს.

როგორც ისრაელის ოფიციალურმა პირმა „სიენენს“ განუცხადა, პატიმრებს ორი ციხიდან – დეიმონიდან და მეგიდოდან საბოლოო შემოწმებისთვის ოფერის ციხეში გადაიყვანენ.

გათავისუფლებული პატიმრები, სავარაუდოდ, 18 წლამდე ქალები და მამრობითი სქესის მოზარდები იქნებიან.

გათავისუფლების დრო უცნობია, მაგრამ ისრაელის ოფიციალურმა წარმომადგენელმა თქვა, რომ პატიმრები არ გათავისუფლდებიან, ვიდრე ღაზიდან მძევლები ისრაელს არ გადაეცემა.

„ჰამასის“ მიერ დაკავებულ მძევლებთან დაკავშირებით ისრაელის ოფიციალურმა პირმა განაცხადა, რომ ისრაელის ტერიტორიაზე დაბრუნების შემდეგ გათავისუფლებულ მძევლებს ვერტმფრენით გადაიყვანენ ორ საავადმყოფოში თელ ავივის მახლობლად.