პალესტინის პრეზიდენტმა, მაჰმუდ აბასმა „ჰამასის“ პოლიტიკური ლიდერის, ისმაილ ჰანიეს მკვლელობას „ლაჩრული ქმედება და სახიფათო მოვლენა“ უწოდა.

მან ასევე მოუწოდა პალესტინელებს, რომ გაერთიანდნენ, იყვნენ მომთმენი და მტკიცე ისრაელის ოკუპაციის წინაშე.

როგორც „ჰამასში“ დღეს განაცხადეს, ისრაელმა მათი პოლიტიკური ლიდერი ისმაილ ჰანიე თეირანში, რეიდის დროს მოკლა. „ჰამასის“ წარმომადგენელმა, სამი აბუ ზუჰრიმ აღნიშნა, რომ ისინი ისრაელთან ღია ომში იმყოფებიან და მზად არიან, ნებისმიერი ფასი გადაიხადონ.

„ჰამასის“ პოლიტიკური ლიდერი ისმაილ ჰანიე ბოლოს საჯაროდ გუშინ ირანის პრეზიდენტის, მასუდ ფეზეშქიანის ინაუგურაციაზე გამოჩნდა.