ირანში სიკვდილით დასაჯეს ოთხი ეთნიკური ქურთი - ოთხივე მათგანი 30 წელზე ნაკლები ასაკის იყვნენ, რომლებიც დამნაშავედ სცნეს ისრაელის სასარგებლოდ ჯაშუშობაში. უფლებადამცველები აღნიშნულ ბრალდებას არ ეთანხმებიან და ჩამოხრჩობის გადაწყვეტილებას აპროტესტებენ.

რადიო თავისუფლების ცნობით, 29 იანვარს სიკვდილით დასჯილი პირები დამნაშავედ სცნეს ქალაქ ისპაჰანში ბომბის აფეთქების დაგეგმვაში, ისრაელთან თანამშრომლობით.

ირანის მართლმსაჯულებასთან დაკავშირებული საინფორმაციო სააგენტო Mizan-ი წერს, რომ გასულ ზაფხულში დაპატიმრებულ ოთხეულს კავშირი ჰქონდა ისრაელთან. იურიდიული პროცესის გასაიდუმლოების გამო, ფაქტები ბუნდოვანია. ამ პროცესს მწვავედ აკრიტიკებდნენ ბრალდებულების ნათესავები და უფლებადამცველები. ისინი სიკვდილით დასჯას უსამართლოდ მიიჩნევენ.