ირანმა ისრაელის მიმართულებით ბალისტიკური რაკეტა გაუშვა. ინფორმაციას ამის შესახებ ისრაელის თავდაცვის ძალებში დაადასტურეს.

ისრაელის მხარე აცხადებს, რომ ირანის მიერ გაშვებული ბალისტიკური რაკეტა ჩამოგდო. ისრაელში დაშავებულების შესახებ ინფორმაცია არ ვრცელდება.

ისრაელის მოქალაქეებს მოუწოდებენ, იყვნენ უსაფრთხო ოთახებში და დაცულ ტერიტორიებზე.

ისრაელის ჩრდილოეთ და ცენტრალურ რაიონებში, ასევე თელ ავივსა და იერუსალიმში განგაშის სიგნალები ჩაირთო. ისრაელის თავდაცვის ძალების ცნობით, საჰაერო თავდაცვის სისტემები სრულ მზადყოფნაშია.

ცნობისთვის, ისრაელში განაცხადეს, რომ ირანის წინააღმდეგ „პრევენციული შეტევა“ დაიწყეს. როგორც ისრაელის მედია წერს, ირანზე აშშ-ისა და ისრაელის ერთობლივი შეტევის „საწყისი ფაზა“ ოთხი დღის განმავლობაში გაგრძელდება.