ირანის საგარეო საქმეთა სამინისტროს პრესსპიკერი ესმაილ ბაღეი აცხადებს, რომ ირანი ყურადღებით აკვირდება პოლიტიკურ ასპარეზზე მიმდინარე მოვლენებს და აპირებს, აუცილებელი ზომები მიიღოს ირანის ინტერესების დასაცავად.

ირანის საინფორმაციო სააგენტო IRNA-ს ცნობით, ბაღეიმ  აღნიშნული განცხადება მას შემდეგ გააკეთა, რაც პაკისტანმა თეირანს ცეცხლის შეწყვეტისკენ მოუწოდა.

ამასთან, ირანის რევოლუციის გუშაგთა კორპუსის (IRGC) საზღვაო ძალების განცხადებით, მათ ჰორმუზის სრუტეში მყოფი ორი გემი დააკავეს.

განცხადებაში IRGC-ის საზღვაო ძალები აცხადებენ, რომ ორი გემი, MSC Francesca და Epaminondas, ირანის ტერიტორიულ წყლებში გადაიყვანეს „მათი ტვირთის, დოკუმენტებისა და ჩანაწერების შემოწმების მიზნით“. განცხადებაში ნათქვამია, რომ გემები ნებართვის გარეშე გადაადგილდებოდნენ და განმეორებითი დარღვევები ჩაიდინეს.