ირანის დაზვერვის სამინისტროს ინფორმაციით, დაარტყეს „სეპარატისტულ ტერორისტულ ჯგუფებს“, რომლებიც ირანში შესვლას დასავლეთ საზღვრიდან აშშ-ის დახმარებით ცდილობდნენ.

ასევე გავრცელდა ინფორმაცია, რომ აფეთქებები მოხდა ერაყის ქურთისტანში.

ირანის განცხადებით, „ომის დაწყების შემდეგ ერაყის ქურთისტანში დამალულ ტერორისტულ დაჯგუფებებს რამდენჯერმე დაარტყა“.

ირანის ინფორმაციით, აღნიშნული დაჯგუფებების წინააღმდეგ სარაკეტო შეტევები განხორციელდა, ასევე გამოიყენეს დრონები.

მანამდე, წყაროებმა „სიენენს“ განუცხადეს, რომ ცენტრალური სადაზვერვო სააგენტო ირანში სახალხო აჯანყების წაქეზების მიზნით ქურთული ძალების შეიარაღებაზე მუშაობს.