„ქართული ოცნების“ თავმჯდომარე ირაკლი ღარიბაშვილი ხვალ სამეგრელო-ზემო სვანეთის რეგიონის პარტიულ აქტივს შეხვდება

„ქართული ოცნების“ პრესსამსახურის ინფორმაციით, შეხვედრა ზუგდიდში 13:00 საათზე დაიწყება.

შეხვედრას დაესწრებიან  პარტიის აღმასრულებელი მდივანი მამუკა მდინარაძე, რეგიონული მდივანი დიმიტრი სამხარაძე, საპარლამენტო უმრავლესობის წევრები ზუგდიდის, ⁠მესტიის, ⁠ჩხოროწყუს, ⁠ხობის, სენაკის, მარტვილის, აბაშის, ფოთისა და წალენჯიხის პარტიული ორგანიზაციების ხელმძღვანელები, ასევე სახელმწიფო რწმუნებული სამეგრელო-ზემო სვანეთის მხარეში, გიორგი გუგუჩია.

მათივე ცნობით, „ქართული ოცნების“ თავმჯდომარე პარტიულ აქტივს 100 დღის განმავლობაში, 10 რეგიონში შეხვდება. პირველი შეხვედრა აჭარაში გაიმართა.