საქართველოს პრემიერ-მინისტრი მსოფლიო ლიდერებთან ერთად, დღეს პარიზის მშვიდობის ფორუმში მიიღებს მონაწილეობას.

ირაკლი ღარიბაშვილი სიტყვით გამოვა დისკუსიაზე, რომელიც რეგიონული უსაფრთხოებასა და მშვიდობის უზრუნველყოფას დაეთმობა. პარიზის მშვიდობის ფორუმი ეფუძნება იდეას, რომ საერთაშორისო თანამშრომლობა არსებითია მსოფლიო გამოწვევების დაძლევისა და გრძელვადიანი მშვიდობის მისაღწევად.

ფორუმი ყოველ წელს თავს უყრის მსოფლიო მმართველობის ყველა სუბიექტს - სახელმწიფოსა და მთავრობის მეთაურებს, საერთაშორისო ორგანიზაციებს, ადგილობრივ თვითმმართველობებს, არასამთავრობო ორგანიზაციებს, ფონდებსა და კომპანიებს.

ცნობისთვის, პარიზში იმყოფება საქართველოს პრეზიდენტი, სალომე ზურაბიშვილი, რომელიც ასევე ფორუმში, მიიღებს მონაწილეობას.