მაღალი დონის შეხვედრები ბრიუსელში - საქართველოს პრემიერ-მინისტრი, ირაკლი ღარიბაშვილი დღეს ევროპული საბჭოს პრეზიდენტს, შარლ მიშელს ხვდება. დაგეგმილია აუდიენცია ევროკომისარ ოლივერ ვარჰეისთანაც.

დღის წესრიგით, ბრიუსელში დღეს გათვალისწინებულია, ასევე, ირაკლი ღარიბაშვილის სიტყვით გამოსვლა კულტურის საერთაშორისო ფესტივალ - „ევროპალიისა“ და საქართველოს დამოუკიდებლობის დღისადმი მიძღვნილ საზეიმო მიღებაზე.

საქართველო ფესტივალში სტუმარი ქვეყნის სტატუსით წელს პირველად მონაწილეობს.

ირაკლი ღარიბაშვილი ბელგიაში გუშინ გაემგზავრა.